نیوز ڈیسک
قلات، مستونگ اور لورالائی میں فتنہ الہندوستان کے دہشتگردوں نے حملے کیے جب کہ لورالائی کے قریب بعض مسافروں کے اغوا کی اطلاع موصول ہوئی۔
اسسٹنٹ کمشنر ژوب نوید عالم کے مطابق دہشتگردوں نے 9 مسافروں کو اغوا کے بعد فائرنگ کرکے شہید کیا۔
اسسٹنٹ کمشنر ژوب کے مطابق شہید مسافروں کی میتوں کو رکھنی اسپتال منتقل کیا جا رہا ہے۔
واضح رہے کہ فتنہ الہندوستان کے دہشتگردوں نے کوئٹہ سے لاہور جانے والی ایک مسافر بس سے 9 مسافروں کو اغوا کیا تھا جنہیں بعد میں شہید کر دیا گیا۔
شہریوں کو بیہمانہ طریقے سے قتل کرنا فتنہ الہندوستان کی کھلی درندگی ہے : شاہد رند
بلوچستان حکومت کے ترجمان شاہد رند نے واقعے کو ماضی کے واقعات کا تسلسل قرار دیتے ہوئے کہا کہ فتنہ الہندوستان کی جانب سے معصوم شہریوں کو نشانہ بنایاجارہاہے۔ بےگناہ شہریوں کو بیہمانہ طریقے سے قتل کرنا فتنہ الہندوستان کی کھلی درندگی ہے۔
اس حوالے سے ترجمان بلوچستان حکومت شاہد رند نے ذرائع ابلاغ سے اپنے گفتگو میں کہا کہ فنتہ الہندوستان نےآج 3 دہشت گرد حملے کئے جسے پسپا کردیا گیا۔
انہوں نے کہا کہ کوئٹہ سے پنجاب جانے والے مسافروں کو بس سے اتار کرقتل کیاگیا، بلوچستان حکومت اس واقعے کی شدید مذمت کرتی ہے۔
شاہد رند نے مزید کہا فتنہ الہندوستان کی جانب سے معصوم شہریوں کو نشانہ بنانا کھلی درندگی اور ماضی کے واقعات کا تسلسل ہے
ترجمان نے بتایا کہ دہشت گردی سے متعلق خطرہ موجود تھا۔ مسافر بسوں کیلئے این 70 پر سفر بند کیا ہوا تھا لیکن بس شام کےوقت چلی اور یہ واقعہ پیش آیا۔
یہ بھی پڑھیں
- کوئٹہ بس حادثہ ،جے یو آئی رہنما کے کنبے سمیت 14افراد جاںبحق
- 2 مئی کو پاک فضائیہ کے چند اہلکاروں نے افغان سرحد کے قریب واقع جنوبی بلوچستان کے علاقے نصیر آباد کا دورہ کیا تھا
- میں جنید بلوچ، میں اسی دھرتی پر جینا چاہتا ہوں۔ مجھے بلوچستان سے محبت ہے
اطلاعات کے مطابق شہید ہونے والے مسافروں کا تعلق پنجاب کے مختلف شہروں سے تھا۔ جاں بحق افراد کی شناخت کا عمل جاری ہے۔
دہشتگردوں نے بزدلی اور درندگی کا ثبوت دیا ،ریاست سخت جواب دے گی۔ وزیر اعلیٰ سرفراز بگٹی
اپنے بیان میں وزیراعلیٰ کا کہنا تھا کہ پاکستانی شناخت پر معصوموں کا قتل ناقابلِ معافی جرم ہے ۔ بے گناہوں کا خون رائیگاں نہیں جائے گا۔
انہوں نے کہا کہ یہ ریاستی جنگ ہے، اس میں دوٹوک فیصلہ ہوگا۔ ہم فتنہ الہندوستان کےدہشتگردوں کے تمام نیٹ ورک تباہ کریں گے ۔
ترجمان حکومت بلوچستان شاہد رند کے مطابق کوئٹہ، قلات، مستونگ اور سر ڈھاکہ میں فتنہ الہندوستان کے دہشت گردوں نے حملے کیے ہیں، تینوں مقامات پر سیکیورٹی فورسز نے فوری اور بھرپور رسپانس دیا۔