بیورورپورٹ
پشاور
صوبے کے چھ ہسپتالوں کی تزئین و آرائش اور تعمیرنو کے لیے خیبرپختونخوا حکومت اور انفراسٹرکچر ڈیولپمنٹ اتھارٹی پنجاب IDAP کے مابین معاہدے پر دستخط۔ پہلے مرحلے میں چھ ہسپتالوں میں کام شروع کیا جائے گا
جن میں پشاور کے مولوی جی ہسپتال اور نصیراللہ بابر ہسپتال ،ڈی ایچ کیو چارسدہ، ڈی ایچ کیو کرک، ڈی ایچ کیو ہری پور اور ڈی ایچ کیو ایبٹ آباد شامل ہیں
معاہدہ پر دستخط کی تقریب کے بعد وزیر صحت و خزانہ تیمور جھگڑا نے میڈیا سے گفتگو کرتے ہوئے بتایا خیبرپختونخوا حکومت کی جانب سے شروع کردہ صحت کارڈ پلس پروگرام سے جون 2020 سے لیکر اب تک 250,000 سے زائد مریض مستفید ہوچکے ہیں،تیمورجھگڑا
یہ بھی پڑھیں :
- صحت کارڈ کے تحت دوران آپریشن بچے کی موت پر ہسپتال سیل، مقدمہ درج
- ایبٹ آباد ،1122 کی ایمبولینس میں خاتون کی حالت بگڑنے پربچی کی پیدائش
- 26کورونااموات،ایوب میڈیکل کمپلیکس کی تمام او پی ڈیز بند
- 9 سالہ بچی سے زیادتی کے مرتکب امام مسجد کو سزائے موت
اس منصوبے کے باعث پرائیویٹ سیکٹر کو بھی فروغ ملا اور اب تمام لوگ کسی بھی پرائیویٹ یا سرکاری ہسپتال میں اپنا علاج کرواسکتے ہے۔
صحت کی سہولیات اور معیار کو بہتر بنانے کیلئے اب خیبرپختونخوا حکومت نے 32 ہسپتالوں میں تقریبا پندرہ (15) ارب روپے کی سرمایہ کاری کا فیصلہ کیا جس کے تحت پہلے مرحلے میں چھ ہسپتالوں پر کام شروع ہوگا۔
انہوں نے مزید کہا کہ خیبرپختونخواہ حکومت پنجاب حکومت کو صحت کارڈ منصوبے کے حوالے سے معاونت فراہم کریگی
جبکہ خیبرپختونخواہ حکومت نے رواں مالی سال کے دوران انفراسٹرکچر ڈیولپمنٹ اتھارٹی کی طرز پر خیبرپختونخواہ میں بھی ادارہ قائم کرنے کا فیصلہ کیا ہے جو صوبے کے تمام ہسپتالوں کی تعمیر و ترقی اور مرمت کا کام کریگا