نیوز ڈیسک

پنجاب میں بارش کی حالیہ لہر سے مختلف شہروں میں سیلابی صورتحال پیدا ہو گئی ہے ۔اب تک موصولہ اطلاعات کے مطابق مختلف مقامات پر کرنٹ لگنے ،مکانات کی چھتیں اور دیواریں گرنے اور دیگر حادثات میں 17 افراد کے جاں بحق ہونے کی تصدیق ہوئی ہے جبکہ ان واقعات میں درجنوں افراد زخمی ہو چکے ہیں

یہ خبر آپ آڈیو میں سن سکتے ہیں

بالخصوص لاہور شہر میں اس وقت سیلابی صورتحال ہے جہاں شہر کے مختلف حصے زیر آب آ چکے ہیں ،اور رہائشی مکانات میں پانی داخل ہونے سے شہریوں کے مال و املاک کو بھی نقصان پہنچا ہے ۔اسی طرح سڑکوں پر پانی کی موجودگی سے بھی آمدو رفت کا نظام درہم برہم ہو چکا ہے ۔

یہ بھی پڑھیں

قدرتی آفات سے نمٹنے والے صوبائی ادارے پی ڈی ایم اے کے مطابق تین بچوں سمیت چار افراد امر سدھو کے علاقوں میں مکان کی چھت گرنے کے نتیجے میں جاں بحق ہوئے ۔جبکہ گورنمنٹ مزنگ ٹیچنگ ہسپتال سے ملحقہ عمارت کی دیوار گرنے سے 14 افراد زخمی ہوئے جنہیں ہسپتال منتقل کردیا گیا ہے ۔

پی ڈی ایم اے کے مطابق گوجرانوالہ میں ایک تین منزلہ مکان گرنے کے باعث 6 اموات واقع ہوئیں جبکہ چکوال میں 3 اور شیخوپورہ ،فیصل آباد اور جھنگ میں ایک ایک شہری کی حادثاتی موت ہوئی ۔اس حوالے سے مزید گیا کہ وہ صورتحال پر نظر رکھے ہوئے ہیں اور تمام اضلاع کی انتظامیہ کیساتھ رابطہ ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے